ازاى تتأكد انك بتتفرج علي فيلم مصري

عندما يكون البطل مريضا وتقدم لة البطلة حبة الدواء مع كوب ماء وبعد ان يبتلعها وتسأله البطلة فورا: ها عامل اية دلوقتي المفاجأه انة يرد عليها الحمد لله بقيت احسن
كده بالسهولة دي.. هو واخد حبة البركة ولا ايه؟
*******

عندما يصل البوليس الي موقع الجريمة دون ان يبلغه احد
تقريبا المخرج هو اللي بلغ علشان يصور.. أمّال هيصور ايه
*******

عندما تقول البطلة للبطل انها حامل فيرد البطل على طول.. اللي في بطنك ده لازم ينزل
غالبا بيكون يوسف شعبان
*******

عندما تفاجئ باغنية مالهاش أي لزمه في نص الفيلم
مش عارف ايه العلاقة بين الاغنية والفيلم
*******

عندما يكون من المستحيل ان تجد الهاتف مشغول والطرف التاني يرد من قبل ما النمرة تجمع ولا تدي جرس حتى
*******

العبارة الساذجة الشهيرة التلي تصطحب مشهد القبض علي المجرم: مفيش جريمة كاملة وانت فاكر انك هتهرب من البوليس بعملتك دي
*******

عندما يسكر البطل فتجده يصب كوب ممتلئ علي اخره
بيسكر بعصير قصب
*******

عندما يخرج الطبيب من غرفة العمليات يرد جملة من ثلاث جمل
اضطرينا نضحي بالجنين.. شدو حيلكوا يا جماعه.. العمليه نجحت بس مش هتقدروا تشوفوه دلوقتي
*******

عندما يجلس البطل والبطلة في نفس الكازينو بتاع كل فيلم اللي في وش ماسبيرو ويطلبوا نفس العصير اللي في كل الافلام: تانج او ميراندا
يخلص المشهد من غير ما حد يشرب حاجة
تقريبا علشان هيتصور بالمشاريب دى فيلم تاني
*******

عندما يصاب البطل بطلق ناري في قلبه وتنزف الدماء من بطنه زي صلصلة الكشري ويظل يتحدث بطلاقة وتركيز لمدة خمس دقائق يقوم خلالها بفك لغز الفيلم والاعلان عن القاتل الحقيقي او البطل يبقي ابن مين
*******

عندما تتناول الابنة الفطار وهيا واقفة وبتاخد لقم سريعة فتقولها الوالدة ما تفطري يابنتي كويس تقولها: لا علشان الحق المحاضرة وتبوسها وتمشي فتنظر الوالدة الي الوالد ويبدأن في الدعاء
*******

عندما تغيّر حرب اكتوبر اخلاق كل المنحرفين الموظف المرتشي والجاره اللعوب والبلطجي والمجرم بطبعه
*******

عندما تجد مقر العصابة ملئ بالقش والبراميل الخشبية
*******

--------------------

يبقي انت اكييييييييييييييييييد في مصر

مع تحياتى

جوجووو.......

مالها مصر يا جوجو دى ام الدنيا شكلك عايزة تودينا ورا القمر
تسلم ايدك يا جميل

ههههههههههههههههههههههههههههههههه

مدام هنروح ورا القمر يبقي انت اكيد في مص ام الدنياااااااا

تسلمى ياكوكى علي مرورك الجميل دة

برافووووووووووووووووووووو عليك يا جوجو ازاى تتأكد انك بتتفرج علي فيلم مصري 262365

عرفتى تقولى اللى بيحصل فى كل الافلام بس نسيتى النهايات السعيدة

تسلم ايدك

مش كلو بيبقي نهاية سعيدة
بس اهم حاجة انهم يكتبو في الاخر النهاااااااااااااية
تقوليش المتفرجين اغبية مش هيعرفو ان الفيلم خلص
ومرسي اوى علي مرورك الجميل دة

يبقي انت اكيد اكيد اكيد في مصر

ميرسي يا جوجو علي الموضوع

شكراااااااااااااااااااااااااا علي مرورك الرائع دة
ويبقي انت اكيد في مصر