افتــــــــــــــح قلبـــــــــــــك وحكايات متواصله مع لايت مون

"افتـــــــــــــــــــــــــــــــــــــــــــــــــــــــح قلبــــــــــــــــــــــــــــــــــــــك"



هنا عايزين كل واحد مننا يفتح قلبه



يصارحنا ويقولنا على اللى جواه



لو عندك مشكله عاطفيه قول واحنا بإذن الله نفيدك


لو مرتبط وبتحب احكيلنا عشان كلنا نستفاد منك



عايزه حماس ومشاركه من الجميع



ويارب الفكره تعجبكم




ولكم جزيل الشكر

فكره جميله قوووووووووووووووووى

فعلا فكرة جامدة جدا جدا جدا

تسلمى ياقمر المنتدى

الفكرة طبعااااااااااااااااااا جميلة بس يلا بقي ايلي عنده مشكلة او ايلي يعرف حد بيواجهة مشكلة ومش عارف ياخد قرار معين يقولنا وكلنا هنساعده

هتستغربوا لما تعرفوا انى رغم نى بحل مشاكل كتير ف الحب على النت ومع اصحابى
بس أدام مشكلتى مش عارفة اخد قرار
عشان القرار بيتاخد بالعقل وانا قلبى مش قادر ياخد القرار
انا حبيت واحد فيه كل اللى بتمناه
حب وحنية واخلاص ورجولة وتحمل مسئولية وتدين وخفة دم وشياكة
حبينا بعض جدا جدا وكنا الأول بنتكلم صداقة حاولى 4 شهور

بعدها قالى انه بيحبنى وانا كمان كنت حبيته
قعد معايا شهر وسافر
بس قبل ما يسافر قاللى انه ان شاء الله ياخد اجازة بعد سنه ويجى عشان الخطوبة
وطلب منى انى اقول لماما كل ده عشان لما نتكلم تبقا كل حاجة أدامها مش من ورا اهلى
وعشان يأكدلى انه جد ومش بيهزر او يتسلى
وبعد ما سافر تعبت انا جدا من غيره بس قلت نستحمل وبكره ييجى وكله يبقا تمام
المشكلة انه بعد ما سافر حصل مشاكل مع صاحب الشغل وراح شغل تانى وقعد 3 شهور تدريب
بعدها جه يمضى العقد لقا ان من ضمن شروطه ان مفيش اجازات الا بعد 3 سنين!!!!!!!!!!
طلب مهلة يفكر وكان وقتها مخنوق جدا ومش عارف يعمل ايه
وانا كمان طبعا
انا قلتله هتعدى واستحمل وانا معاك
بس كلام ماما معناه انه لو ما جاش بعد سنه يبقا مش هنستنى اكتر من كده
وان كفاية انه مشى من غير كلام رسمى
واصحابى بيقولولى مش هينفع كده
حاولى تبعدى عنه قبل ما تحبيه اكتر
تسيبيه ف الاولاحسن ما يعدى سنه او اتنين ومش ييجى او يحصل بينكم مشكلة وتبقى ضيعتى عمرك
انا بحبه وبرفض ناس كتير عشانه
بس 3 سنين كتير ومش عارفة أفكر خالص

انا رايي ان مدام انتى متاكدة انه بيحبك ومتمسك بيكى وان هو دة الرجل المناسب بالنسبالك واللى هيسعدك في حياتك اتمسكى بحبك دة
ومتسيبيهوش ابدا مهما كانت الضغوط عليكى استحملى شوية عشان حبكم وحاولى تفهمى مامتك واهلك كدة وخليه هو يكلم ماما وبابا ويبعت اهلو يتكلمو مع اهلك لغاية ما هو يرجع عشان اهلك يطمنو شوية ولو هو فعلا شاريكى ومتمسك بيكى مش هيتردد لحظة انه يبعت اهلو وخلي اهلك يسألو عنو كمان عشان يطمنو انه كويس
بس متسمعيش كلام حد من اصحابك اللى بيقولولك سيبية دول غيرانين منك لانك لقيتي حبك
لازم يبقي في تضحية في الحب وكمان انتى لسة صغيرة علي ماهو يرجع يدوب تكونى اتخرجتى ومتقلقيش خالص وكولو هيتحل ويحصل اللى نفسك فية
وابقي طمنيني يا نونة اية اللى حصل

ميرسى سا جوجو على ردك
انا والله رأيى زيك
بس كمان انا تعبانة اوى عشان واحشنى أوى
بس أدينا بنقوى بعض
ويمكن ربنا يخلى حاجة تحصل وييجى بدرى شوية
ادعيلى بقا

انا مع رأى جوجو هو ده الحل المناسب فعلا وان شاء الله يجى بدرى عن كدة ويوفقك فى حبك يا رب وتعيشوا مع بعض احلى حياة المهم متخليش حد يأثر عليكى بالكلام لان الزن على الودان امر من السحر فخلى بالك وحافظى على حبك على قد ما تقدرى بس المهم انك تكونى واثقة انه بيحبك زى ما بتحبيه