[size=16]دة مقال قريته للدكتور شريف عرفة دة دكتور فى التنمية البشرية دة غير شريف عرفة المخرج عشان اللخبطة بس, المقال دة عجبنى اوى فقلت اكتبهلكوا زى ما كتبه بالظبط لا زيادة ولا نقصان.
ساعات الكاتب مننا يقلق من موضوع معين عاوز يكتبه لان ممكن الموضوع دة يسببله مشاكل لو تجاوز فيه الخطوط الحمرا, و كمان لموضوع دة بالذات ممكن يهدد حياتى لان البنات المصريات موجودين فى كل مكان زى ما بيقولوا فى الافلام الاجنبى( انهم بيننا), ف هتوكل على الله و اكتب الموضوع و امرى لله كل دة فى سبيل حرية التعبير و اظهار الحقيقة ( بلاش نقول العارية عشان ماحدش يفهمنى غلط)
احنا نخش فى الموضوع علطول , بصراحة كدة البنت المصرية غير اى بنت خلقها ربنا فى الدنيا , و طبعا بلاش نعمم عشان صوابع الايد مش زى بعضها بس المشكلة ان البنت المصرية فيها شوية صفات كدة مستفزة و هية للاسف مش واخدة بالها انها مستفزة , نبدا بالصفات دى
1) التناكة..
مرة كنت فى المهندسين و رايح لعيادة زميل و كنت مش عارف مكان العيادة بالظبط لانى مش دايس المهندسين اوى قلت اعمل ايه؟
اركن على جنب و اسال اى حد معدى فى الشارع تصرف بديهى طبعا و مافيهوش اى حاجة, و من سوء حظى العاثر وقع نصيبى فى واحة بنت , بمنتهى الذوق و التهذيب و الوقار سالتها عيادة الدكتور هشام فين؟ راحت البنت بصالى بمنتهى الذوق و الوقار بردو و راحت مسمعانى باقة منتقاة من افضل ما انتجته قريحة الصيع من شتايم اعجبت طبعا بسرعة الاداء و مهارة الالقاء ال ايه كانت فاكرانى بعاكسها و سابتنى مذهول و مشيت.
شفتوا المهزلة الانسانية.
2) التناكة..
البنت المصرية تعتبر اى ولد يتكلم معها مجرم اثيم يحاول التقرب منها لسبب خبيث الا و هو التعرف عليها حتى يثبت العكس.لاحول و لا قوة الا باللهيعنى مثلا لو اضطرتك الظروف فى يوم من الايام فى الجامعة انك تكلم بنت مش من شلتك ( خاصة فى طب او هندسة) لابد ان يكون لديك من الاسباب و المبررات التى تقنعها انك لست ذئبا بشريا و انك لا تسال على ميعاد المحاضرة كمقدمة لسبب اخر لا داعى لذكره(عشان العيال الصغيرة اللى بتقرا الموضوع معانا)
حاولت تتكلم مع بنت فى كليتك بس من جنسية تانية هتلاقيها بتتكلم معاك عادى كانك بنى ادم طبيعى خلقه ربنا , اما البنت المصرية لازم تقعد تخطط و تتكتك عشان تعرف تكلمها و مش تفهمك غلط.
على ايه دة كله يا اكسلانس.
3) الشياكة
البنت المصرية بصراحة ربنا بتتشيك بطريقة لا باس بها اطلاقا روح سيتى ستارز( مش بتكلم على معهد الصنايع اللى جنب بيتكم يا خفيف)البنت دى فى الاعم بتعمل الشويتين دول عشان تعجب الشاب الغلبان المسكين اللى هيقرر يرتبط بيها و بعد الجواز انت عارف اللى فيها.
على الرغم من كدة الخبراء اكدوا ان الجيل الصاعد بتاع اليومين دول فى امل كبير اوى و احتمال يغيروا النظرية دى , و مين عارف ربك ممكن يعمل ايه بين يوم و ليلة.
4) احتقار الرجل
كان في مرة راجل رحالة جه مصر و لاحظ تسلط نسائها على ازواجهم فحاول انه يبحث فى الامر دة و لما سال و استفسر عرف ان لما خرج فرعون للقاء موسى خرج و معه كبار القوم و ترك النساء و العبيد فلما غرق فرعون و من معه قام النساء بالتزوج من هؤلاء العبيد و كانوا يحتقرونهم اشد الاحتقار و من هنا جاء تسلط النساء على الرجال فى مصر.
شايف القصة المهببة دى ؟ اهو الراجل الغريب قالها بنفسه.طب بتعملوا فينا كدة ليه يا ستات مصر طب بلاش عشانا طب عشان سمعة البلد برة يرضيكم اللى بيتكتب دة يعنى
نعمل ايه طيب؟
بعد ما شفنا البنات بيتعاملوا معانا ازاى يا شباب لازم ما نسكتش لازم نعد العدة و نظبط نفسنا خد عندك الحلول.
1) المساواة... فى الظلم عدل
زمان كانت الست المصرية بتحارب عشان حقوقها دلوقتى لولا الكسوف كنا عملنا جمعية مناصرة حقوق الراجل.شوف بس لو كنت بتركب مترو ولا اتوبيس و ركبت بنت لابسة بادى كدة وشوف اللى هيحصل هتلاقى شاب هلهولة كدة عاملك نفسه فيها جنتل مان و قايملها و البنت طبعا مش هتنزل الا اخر الخط عشان تخليه واقف اطول فترة ممكنة.
النصيحة اللى اتحمل مسؤليتها كاملة انك لما تلاقى بنت حلوة و عايشة الدور طالعةا المواصلة اللى انت راكبها اياك تقوم و تقعدها مكانك , اولا صحتها احسن من صحتك( بطل انت السجاير و الحشيش و عيب بقى انت كبرتثانيا هية مش من بقيت اهلك( لو امك او خطيبتك اللى داخلة ما تستهبلش يعنى)
و ثالثا لو عامل كدة عشان تبين لها انك واد جنتل و حنين عشان تتعرف عليها ف اعرف انها مش هتخليك تتعرف عليها حتى لو عملتلها قرد , يعنى هتبقى قمت ووجعت رجلك على الفاضى و غالبا مش هتاخد ثواب لان نيتك كانت مش كويسة.رابعا ) البنت دى مش كبيرة فى السن وشابة زيادة عن اللزوم زى ما انت شايف تقوم ليه بقى؟؟ و بعدين لو هيه قاعدة و انت اللى داخل كانت هتقوملك.[/color]المفروض تقوم وتقعد البنت اللى واقفة فى الحالات دىلو لقيتها بنت غلبانة او محترمة او فتاة عاملة او ست كبيرة ... يبقى لازم تقوم طبعا مش عايزة كلام.لكن لو بنت من اياهم, تبقى شاب لا مؤاخذة لو قعدتها مكانك
الحل الثانى) و لا تعبرهم...
سالت مرة بنت .. انتى ليه بتلبسى كدة, قالتلى عشان كدة اشيك, و لما الحيت عليها فى السؤال( غلاسة بقى) قالتلى عشان احس ان انا حلوة و الناس تبص عليا.
شفت يا معلم يعنى البنت عاملة كل دة فى نفسها عشان انت تهتم بيها, و سيادتك هتتكيف و تتبسط و بردو مش هتعبرك يا عم الدون جوان.
اقولك حاجة؟؟ و لا تعبرها.لو زميلتك عاملة كدة يبقى احلقلها ميرى يا معلم.. نفضلها و سيبها.
يعنى لو موبايلك رن, و انت بتكلمها رد عليه و سيبها و امشى... و لو واحدة ماشية فى الشارع كدة ولا تبصلها و لا تعبرها.. كانها هوا معدى شىء عابر كدة ولا تعبره.
لعلمك الحركة دى بتجننهم جدا فوق ما تتخيل.. لان البنت من دول متعودة ان الناس بتعجب بيها و تطلب رضاها.. خلى كرامتك تنقح عليك و نفضلها.. و لا تبصلها يا شقيق.. بين ان انت مش عبيط زى الناس التانية و ان الحركات دى ما تخيلش عليك, هتلاقيها اشتعلت نار و اتفحمت, بس احسن تستاهلو اى خدمة , و منتظرين رد البنت المصرية.. و هنشعللها نار عدم المؤاخذة ...و ربنا يستر بقىيا جماعة انا نقلت المقال زى ما هوة و دة مش رايى خالص بس مش عارفة عجبنى اوى و ربنا يستر بقى و البنات ما تزعلش منى...[/size]
موضوع: المواصفات القياسية للبنت المصرية (مش رأيى خالص) 
الأربعاء مايو 07, 2008 1:18 pm
